მარტივი გზამკვლევი – შეამოწმე საწვავის სისუფთავე თავად
საწვავის ხარისხის ტესტირება ლაბორატორიაში ყოველთვის იდეალური არჩევანია, მაგრამ ყოველდღიურ რეალობაში ყველას არ აქვს წვდომა პროფესიულ გამოკვლევებზე. საბედნიეროდ, არსებობს რამდენიმე მარტივი და სწრაფი მეთოდი, რომელთა დახმარებითაც შეძლებთ საწვავის საწყისი ხარისხის შემოწმებას პირდაპირ ავტომობილის საწვავის „ავზთანვე“. ეს ტესტები არ ცვლის ლაბორატორიულ ანალიზს, თუმცა კარგი ინდიკატორია, პრობლემის პრევენციისა და გაღრმავების თავიდან აცილებისთვის.
გამჭვირვალობა და ფერი
როგორ? ჩაასხით საწვავი მინის სინჯარაში ან თეთრ ჭიქაში და დააკვირდით მის გარეგნობას.
რას ეძებთ?
- წყლის ფენას ძირში
- მღვრიე ფერს ან მუქ ნალექს
- ნახშირბადის ნაწილაკებს
რატომ არის მნიშვნელოვანი? სისუფთავე და გამჭვირვალობა არის საწვავის ელემენტარული ხარისხის მინიშნება
დალექვის ტესტი (სადგომზე)
როგორ? დატოვეთ საწვავის ნიმუში მინის ჭურჭელში 1–2 საათით.
რას დააკვირდეთ?
- ფსკერზე ნალექი მიუთითებს ბიოკომპონენტების ცუდად შერევაზე ან ცვილოვან ნაერთებზე
ფენის გამოყოფა მიუთითებს წყლის ან სხვა მინარევების არსებობაზე
ფილტრის ქაღალდის ტესტი
როგორ? საწვავის რამდენიმე წვეთი გაატარეთ თეთრ ფილტრის ქაღალდზე.
რას დააკვირდეთ?
- დარჩენილი ლაქა ან ლორწოვანი ფენა მიუთითებს დაბინძურებაზე
მკვეთრად გაყვითლებული ან ყავისფერი კვალიც საეჭვოა
შედეგი? ასეთი ტესტი ერთ-ერთი საუკეთესო სწრაფი მეთოდია „დამნაშავე“ სადგურის დასადგენად.
ძრავის ქცევა და ხმის დაკვირვება
როგორ? ყურადღება მიაქციეთ ძრავის ხმას და მუშაობას საწვავის შევსების შემდეგ.
რის ნიშნებია?
- უცნაური ჭახუნი ან ხრახუნი — შესაძლოა დაბალი ოქტანი (RON)
- ძრავის სიძლიერის დაკარგვა — შესაძლოა წყლის შემცველობა ან ენერგეტიკული მაჩვენებლების პრობლემები
გასათვალისწინებელია:
ამ მეთოდებით საწვავის სიღრმისეული ანალიზი არ ხდება, მაგრამ ხშირად სწორედ ასეთი მცირე ტესტები გვიცავს სერიოზული დაზიანებებისგან. ეჭვის შემთხვევაში — შეცვალეთ სადგური და მიმართეთ სერტიფიცირებულ ლაბორატორიას
